रेशनच्या दुकानावर मिळणार साड्या
रेशनच्या दुकानावर मिळणार साड्या
प्रतिनिधी हर्षवर्धन गाडे
आगामी लोकसभा निवडणुका डोळ्यांसमोर ठेवून महायुती सरकारने राज्यातील दारिद्र्यरेषेखालील अंत्योदय शिधापत्रिकाधारक कुटुंबातील २४ लाख ५८ हजार ७४७ महिलांना प्रत्येकी एक साडी मोफत देण्याचा निर्णय घेतला आहे. मकरसंक्रांतीपासून या निर्णयाची अंमलबजावणी होणार आहे.
या योजनेसाठी पुरवणी योजनांमध्ये १२५ कोटींची तरतूद करण्यात आली. या निधीतून सुमारे ३६५ रुपये किमतीच्या सिल्क आर्ट साड्यांची खरेदी केली जाईल. ५ रंगांचे पर्याय असणा-या या साड्या गरीब महिलांना रेशन दुकानावर प्रत्येकी एक मिळतील, अशी माहिती वस्त्रोद्योगमंत्री चंद्रकांत पाटील यांनी दिली आहे.
