करमाळा पोलिसांचा जेऊरमध्ये दणका; 'ट्रिपल सीट' अन् 'बुलेट'स्वारांचे धाबे दणाणले!

​करमाळा पोलिसांचा जेऊरमध्ये दणका; 'ट्रिपल सीट' अन् 'बुलेट'स्वारांचे धाबे दणाणले!
​एकाच दिवसात ४९ वाहनांवर कारवाई; दीड लाखांहून अधिकचा दंड वसूल
​
करमाळा (प्रतिनिधी):

करमाळा तालुक्यातील जेऊर येथे वाहतुकीच्या नियमांचे उल्लंघन करणाऱ्या वाहनधारकांविरुद्ध करमाळा पोलिसांनी शुक्रवारी धडक मोहीम राबवली. मा. उपविभागीय पोलीस अधिकारी (DySP) मॅडम व पोलीस निरीक्षक माने साहेब यांच्या मार्गदर्शनाखाली करण्यात आलेल्या या कारवाईत एकूण ४९ केसेस करण्यात आल्या असून, १ लाख ५३ हजार ५०० रुपयांचा दंड ठोठावण्यात आला आहे.
​गेल्या काही दिवसांपासून जेऊर परिसरात विनापरवाना वाहन चालवणे, फॅन्सी नंबर प्लेट्स आणि सायलेन्सरचा आवाज करून दहशत निर्माण करणाऱ्यांच्या तक्रारी वाढल्या होत्या. याची गंभीर दखल घेत पोलीस प्रशासनाने ही विशेष मोहीम हाती घेतली.
​
​ट्रिपल सीट: क्षमतेपेक्षा जास्त प्रवासी बसवणाऱ्या दुचाकी.
​विदाऊट नंबर प्लेट व फॅन्सी प्लेट: कायद्यानुसार नसलेल्या नंबर प्लेट्स.
​बुलेट सायलेन्सर: कर्णकर्कश आवाज करून शांतता भंग करणारे सायलेन्सर.
​विदाऊट लायसन्स: परवाना नसताना वाहन चालवणारे चालक.
​कारवाईत यांचा होता सहभाग:
​ही धडक कारवाई पोलीस हवालदार हिंगमिरे, पोलीस कॉन्स्टेबल राऊत, कांबळे, कदम तसेच निर्भया पथकाने मिळून यशस्वी केली. भरचौकात झालेल्या या कारवाईमुळे बेशिस्त वाहनधारकांची मोठी पळापळ झाली.
​"वाहतुकीच्या नियमांचे पालन करणे हे प्रत्येकाचे कर्तव्य आहे. अपघातांना निमंत्रण देणाऱ्या आणि शांतता भंग करणाऱ्या वाहनधारकांविरुद्ध यापुढेही अशीच कडक कारवाई सुरू राहील. नागरिकांनी नियमांचे पालन करून सहकार्य करावे.

या कारवाईमुळे जेऊर परिसरातील नागरिकांनी समाधान व्यक्त केले असून, बेशिस्त वाहनचालकांना करमाळा पोलिसांनी चांगलाच चपराक लगावली आहे.

इस ब्लॉग से लोकप्रिय पोस्ट

रश्मी बागल यांच्या नावाची जोरदार चर्चा

चित्र
​  बागल यांच्या नावाची जोरदार चर्चा ​ सोलापूर जिल्हा परिषदेच्या सत्तेचे समीकरण आता अंतिम टप्प्यात आले असून, अध्यक्षपदाची माळ कोणाच्या गळ्यात पडणार याकडे संपूर्ण जिल्ह्याचे लक्ष लागले आहे. विश्वसनीय सूत्रांनी दिलेल्या माहितीनुसार, करमाळा तालुक्यातून भाजपच्या चिन्हावर निवडून आलेल्या रश्मी बागल यांचे नाव अध्यक्षपदाच्या शर्यतीत आघाडीवर असून, त्यांच्या नावाची राजकीय वर्तुळात मोठी चर्चा सुरू आहे. ​ करमाळ्याला ऐतिहासिक संधी? ​सोलापूर जिल्ह्याच्या राजकारणात करमाळा तालुक्याला विशेष महत्त्व आहे. जर रश्मी बागल यांची अध्यक्षपदी निवड झाली, तर करमाळा तालुक्याला दुसऱ्यांदा हे मानाचे पद भूषवण्याची संधी मिळेल.  ​बागल गटाचे तालुक्यात असलेले वर्चस्व आणि रश्मी बागल यांचा प्रशासकीय कामाचा अनुभव ही त्यांची मोठी जमेची बाजू मानली जात आहे.  ​नुकत्याच झालेल्या जिल्हा परिषद निवडणुकीत करमाळ्यातून भाजपच्या उमेदवार म्हणून त्यांनी विजय मिळवला आहे. महायुतीच्या जागावाटपात आणि सत्तेच्या समीकरणात करमाळ्याला झुकते माप मिळण्याची चिन्हे आहेत. ​जिल्हा परिषदेत महिला नेतृत्वाल...
और पढ़ें

आमदार नारायण पाटील यांच्याकडून वडशिवणे तळ्यात पाणी, अजित तळेकरांच्या अथक प्रयत्नांना आले यश

चित्र
आमदार नारायण पाटील यांच्याकडून वडशिवणे तळ्यात पाणी,  अजित तळेकरांच्या अथक प्रयत्नांना आले यश वडशिवणे, शेतकऱ्यांसाठी अत्यंत दिलासादायक आणि आनंदाची बातमी आहे! वडशिवणे तलावात पाणी सोडण्यासाठी गेल्या अनेक दिवसांपासून अजित तळेकर यांनी केलेल्या अथक पाठपुराव्याला अखेर मोठे यश मिळाले आहे. त्यांच्या निष्ठेमुळे आणि सातत्यपूर्ण प्रयत्नांमुळे  वडशिवणे तलावात पाणी सोडण्यात आले, ज्यामुळे शेतकऱ्यांच्या चेहऱ्यावर समाधानाची लाट उसळली आहे. गेली अनेक वर्षे वडशिवणे तलावातील अपुऱ्या पाण्यामुळे परिसरातील शेती सिंचनाखाली येत नव्हती. यामुळे शेतकऱ्यांना पिकांसाठी पाण्याच्या तीव्र टंचाईचा सामना करावा लागत होता, ज्यामुळे त्यांच्या आर्थिक स्थितीवरही परिणाम होत होता. ही गंभीर समस्या ओळखून अजित तळेकर यांनी स्वतः पुढाकार घेतला. त्यांनी या प्रश्नाची गांभीर्यता आमदार नारायण पाटील यांच्या निदर्शनास आणली. वारंवार भेटीगाठी,  आणि फोन करून त्यांनी आमदार महोदयांकडे तलावात पाणी सोडण्याची आग्रही मागणी केली. त्यांच्या या अदम्य पाठपुराव्यामुळे अखेर प्रशासनाने या मागणीची दखल घेतली आणि त्याला...
और पढ़ें

केम जिल्हा परिषद गट: भाजपच्या निष्ठवान कार्यकर्त्यांना संधी द्या; सुरेखा संतोष देवकर यांच्या उमेदवारीची मागणी

चित्र
केम जिल्हा परिषद गट: भाजपच्या निष्ठवान कार्यकर्त्यांना संधी द्या; सुरेखा संतोष देवकर यांच्या उमेदवारीची मागणी ​ केम (प्रतिनिधी): आगामी जिल्हा परिषद निवडणुकीच्या पार्श्वभूमीवर राजकीय वातावरण तापू लागले असून, केम जिल्हा परिषद गटातून भारतीय जनता पक्षाच्या निष्ठवान कार्यकर्त्याला उमेदवारी मिळावी, अशी मागणी जोर धरत आहे. या शर्यतीत भाजपच्या जुन्या आणि निष्ठावंत कार्यकर्त्या सौ. सुरेखा संतोष देवकर यांचे नाव आघाडीवर असून, त्यांना उमेदवारी मिळावी अशी भावना कार्यकर्त्यांकडून व्यक्त होत आहे. ​ ​गेल्या अनेक वर्षांपासून भारतीय जनता पक्षाचे विचार तळागाळातील लोकांपर्यंत पोहोचवण्यासाठी देवकर परिवाराने मोठे योगदान दिले आहे. पक्षाच्या कठीण काळातही डगमगून न जाता, संघटना बांधणीसाठी त्यांनी सातत्याने प्रयत्न केले आहेत. त्यामुळे "पक्षाने बाहेरच्या उमेदवारांऐवजी रक्ताच्या आणि निष्ठवान कार्यकर्त्याचा विचार करावा," असे मत स्थानिक भाजप समर्थकांनी व्यक्त केले आहे. ​ ​सुरेखा संतोष देवकर यांचा केम गटात दांडगा जनसंपर्क असून, महिलांच्या समस्या सोडवण्यासाठी त्यांनी नेहमीच पुढाकार घेत...
और पढ़ें