केम जिल्हा परिषद गटात कल्याणी अजित तळेकर यांच्या नावाला वाढती पसंती
केम जिल्हा परिषद गटात कल्याणी अजित तळेकर यांच्या नावाला वाढती पसंती
आगामी जिल्हा परिषद निवडणुकांचे बिगुल वाजण्यापूर्वीच करमाळा तालुक्यातील 'केम' गटात राजकीय वातावरण तापू लागले आहे. या गटातून सौ. कल्याणी अजित तळेकर यांच्या नावाची सध्या जोरदार चर्चा सुरू असून, जनमानसातून त्यांच्या उमेदवारीला मोठी पसंती मिळत असल्याचे चित्र दिसत आहे.
अजित तळेकर यांनी गेल्या काही वर्षांत केम गटातील विविध गावांमध्ये राबवलेले सामाजिक उपक्रम आणि कार्यकर्त्यांचे जाळे यामुळे तळेकर परिवाराचा या भागात मोठा प्रभाव आहे. कल्याणी तळेकर यांच्या माध्यमातून एका सुशिक्षित आणि कार्यक्षम महिला नेतृत्वाकडे या गटाची धुरा सोपवावी, अशी भावना मतदारांमधून व्यक्त होत आहे.
"केम गटाचा सर्वांगीण विकास, रस्ते, पाणी आणि शिक्षणाचा दर्जा उंचावणे हे आमचे मुख्य ध्येय आहे. जनतेने दिलेला शब्द आणि विश्वास हीच आमची खरी ताकद आहे," असे समर्थक कार्यकर्त्यांकडून सांगण्यात येत आहे.
केम जिल्हा परिषद गट हा राजकीयदृष्ट्या अत्यंत महत्त्वाचा मानला जातो. या गटात अनुभवी नेत्यांसोबतच आता कल्याणी तळेकर यांच्या रूपाने एक नवा आणि आश्वासक चेहरा समोर येत असल्याने प्रस्थापितांच्या गोटात चिंतेचे वातावरण पसरले आहे.
