चिखलठाण गणात राजकीय वारे जोरात; सभापती पदासाठी सौ. वनमाला चंद्रकांत सरडे यांच्या नावाची जोरदार चर्चा!करमाळा (प्रतिनिधी):करमाळा पंचायत समितीच्या सभापती पदाच्या
चिखलठाण गणात राजकीय वारे जोरात; सभापती पदासाठी सौ. वनमाला चंद्रकांत सरडे यांच्या नावाची जोरदार चर्चा!
करमाळा (प्रतिनिधी):
करमाळा पंचायत समितीच्या सभापती पदाच्या आरक्षणाचे आणि निवडीचे वेध लागताच तालुक्यातील राजकीय हालचालींना वेग आला आहे. यात प्रामुख्याने चिखलठाण गणातून निवडून आलेल्या सौ. वनमाला चंद्रकांत सरडे यांच्या नावाची चर्चा सभापती पदासाठी अग्रक्रमाने होताना दिसत आहे. त्यांच्या समर्थकांमध्ये उत्साहाचे वातावरण असून, तालुक्याच्या राजकारणात या चर्चेने मोठी
लोकसंपर्क आणि दांडगा अनुभव
सौ. वनमाला सरडे यांनी चिखलठाण गणात आपल्या कामाच्या जोरावर मोठा जनसंपर्क निर्माण केला आहे. चंद्रकांत (काका) सरडे यांचा सामाजिक आणि राजकीय क्षेत्रातील प्रदीर्घ अनुभव आणि चिखलठाण परिसरातील त्यांचे वर्चस्व पाहता, पक्षाकडून त्यांच्या नावाला पसंती मिळण्याची दाट शक्यता वर्तवली जात आहे.
चिखलठाण हा गट राजकीयदृष्ट्या अत्यंत महत्त्वाचा मानला जातो. या भागातील विकासकामांना गती देण्यासाठी आणि प्रशासनावर पकड निर्माण करण्यासाठी एका अभ्यासू आणि कार्यक्षम नेतृत्वाची गरज आहे. सौ. सरडे यांच्या रूपाने एक सुशिक्षित आणि महिला नेतृत्व पुढे येत असल्याने महिला वर्गातही आनंदाचे वातावरण आहे.
तालुक्यातील गटातटाच्या राजकारणात चिखलठाण गणाचे स्थान निर्णायक असते. सभापती निवडीच्या प्रक्रियेत तालुक्यातील ज्येष्ठ नेत्यांची भूमिका महत्त्वाची ठरणार आहे.
